Биһиги үөрэхпит кыһатыгар И.Е. Винокуров сылын түмүктүүр тэрээһин үрдүк таһымҥа ааста

Бу ааһан эрэр сылга төрөөбүт норуотун хоргуйууттан быыһаабыт биир дойдулаахпыт, дьаһаллааҕынан, ылыммыт быһаарыылара далааһыннаахтарынан, бэйэтэ киһи быһыытынан көнө сүрүннээҕинэн, норуокка чугаһынан номоххо киирбит бөдөҥ государственнай уонна общественнай деятель Илья Егорович Винокуров төрөөбүтэ 125 сылын туолбута. Биһиги үөрэхпит кыһатыгар – кини аатын сүгэр Намнааҕы педколледжка – И.Е. Винокуров 125 сыла биллэриллибитэ. Онон туох баар ситиһиилэрбит, үлэбит-хамнаспыт бу дьоһун, бэлиэ даата чэрчитинэн ыытылыннылар.